VIP - dagsferð til Anaga og La Laguna 🌿⛪️

​ VIP = Persónulegri ferð með hámark 7 farþegum.

​

Uppgötvaðu villtustu og fallegustu hliðar Tenerife í þægilegri VIP-ferð í litlum hópi.

​

Þessi einstaka dagsferð tekur þig frá sögulegum götum La Laguna inn í ævintýralegt landslag Anaga-fjallanna, þar sem milljón ára gömul eldfjallamyndun, þéttur lárviðarskógur og stórkostlegt útsýni skapa eina mögnuðustu upplifun sem Tenerife hefur upp á að bjóða

​

Leiðin liggur inn í Anaga Rural Park, eitt elsta og fallegasta náttúrusvæði Tenerife. Við keyrum í gegnum hinn gróskumikla lárviðarskóg og stoppum á völdum útsýnisstöðum þar sem útsýnið yfir fjöllin, hafið og norðurhluta eyjunnar er stórkostlegt.

Á leiðinni heimsækjum við einnig Las Teresitas, hina þekktu gullnu sandströnd Tenerife, áður en haldið er áfram til hins fallega þorps Taganana.

​

Í Taganana gefst tími til að njóta hádegisverðar með hefðbundnum kanarískum réttum og upplifa rólegt þorpslífið mitt í Anaga-fjöllunum.

Ferðin heldur síðan áfram um Monte de las Mercedes og að Pico del Inglés, einum glæsilegasta útsýnisstað Tenerife. Þar, ef veðrið er gott, opnast stórkostlegt 360° útsýni yfir Anaga, Atlantshafið, Santa Cruz og jafnvel nágrannaeyjarnar.

​

Heimsækjum San Cristóbal de La Laguna, sem er á heimsminjaskrá UNESCO. Þar gefst tækifæri til að kynnast þessari sögufrægu borg, gömlu húsunum, þröngum götunum og einstöku andrúmslofti hennar.

​

Þetta er ferð fyrir þá sem vilja sjá meira af Tenerife en sól og strendur – náttúru, sögu, menningu og mat í einni eftirminnilegri upplifun.

​

VIP - Persónulegri ferð – betri upplifun 
Ferðin er farin í litlum og þægilegum níu manna bílum. Hóparnir eru því fámennir, stemningin afslappaðri og allir fá persónulegri leiðsögn. Þetta gerir ferðina bæði þægilegri og skemmtilegri og gefur farþegum meira svigrúm til að spyrja spurninga og njóta upplifunarinnar.

​

🔸 Athugið: Yfir vetrartímann getur veðrið á Anaga-skaganum verið dálítið frábrugðið suðurhluta eyjarinnar — aðeins svalara og skýjaðra, en það bætir aðeins við stemninguna í þessum græna, töfrandi hluta Tenerife.
🔸 Sækjum og skilum: Hótel í Los Cristianos, Playa de las Américas og Adeje (ekki vestur af La Caleta).