Lýsing á ferð

Við sækjum ykkur á hótelið og keyrum til Arona, þar sem gangan hefst í um 630 metra hæð. Þaðan liggur leiðin upp á fjallið og við göngum hækkunina á rólegum og þægilegum hraða – alltaf miðað við hópinn og án þess að fara hraðar en hægasti þátttakandinn.

​

Þegar við komum upp á hrygginn, í um 800 metra hæð, opnast stórbrotið útsýni yfir alla suðurströnd Tenerife. Þar tökum við stutt stopp til að ná andanum og fá okkur vatn áður en við höldum áfram upp á toppinn.

Síðasti kaflinn er á köflum brattur og grýttur, og því mikilvægt að vera í góðum skóm með góðu gripi.

​

Á toppi Roque del Conde (1.004 m) tekur á móti okkur einstakt útsýni yfir eyjuna. Þar gefst tími til að fá sér nesti, njóta augnabliksins og taka myndir – þetta er einn besti staðurinn á suðurhlutanum til að ná fallegum myndum (Hér leynist jafn vel nýja prófíl myndin þín).

​

Sækjum á

Los Cristianos • Las Américas • Adeje (þó ekki vestur af La Caleta)

​​

Athugið

Lágmarksfjöldi í ferðina er 4 þátttakendur.

Ef sá fjöldi næst ekki gæti þurft að fella ferðina niður eða færa hana til.